ه‍.ش. ۱۳۹۰ مهر ۲۵, دوشنبه

محمد امینی "م ا راما" چهارم ایستاده از چپ و دوستان هم دوره اش در باغ ملی لاهیجان__ مین پشته _سروده گیلکی_ از_ م ا رام_ امی لاجون ایته مین پشته مونه ، چایی باغون ، سبز دریان لاجونه دوراکودن ، همه سال وقتی هوا تام زینه ، بارون بهاری فدینه ، پیله کوه خو سر فینه ویگینه ، جغلان بازکونن اتل متل ، سبزه دریا زنه بل ، چای باغ زناکون ، زبیلونه و یگینن ، را دکینن باغ مین ، شروع کونن چایی چین ، سرجور ، هم مواشیر ایسه هم بل بزی افتو که پیله طشت مونه ، مواشیر هی زنه قرقر ، اینه دیم عینه ساطور تخته مونه ،لاکو تی کاره بکن ،لاکو تی مچه دچین ،لاکو تی مچه دچین ،تی سر جیر تودی تی ولگ بچین ،زناکون ،سبز مرواریده چینن شاخه جی ،زبیلون باد کونن ، ورورانه دوخونن، وروران ، سبز مرواریده کارخونه شکوم خالی کونن ، غروبی ، فاطمای حال ندانه ،سکیناک دیم مین افتوی پا مله دره،چایی بته سر هچمسن راسابون ، اینه دوته چکره خشکا گوده ، ماسیمای مرده دره ، پابرهنه شودره تیف اینه پا مچی زینه ،واکته یک وعده خو از راه دور، اینه هی لوچی زینه ، ماسیمای بسوته دیم ،بسوته دیل دانه بازین ،چایی جعبه هنه بازار اون پشت ، ایته چای باغ لاکوی خنده کونه ،اینه لب غنچه مونه ، اینه دیم سرخه هچی خونه مونه ، اینه دس یکته النگو دره از دور تونه ،اینه انگشتر الماس ،آدم چشمون شیشه سونه ، امی لاجون ایته مین پشته مونه ، امی لاجون ایته مین پشته مونه

 محمد امینی "م ا راما" چهارم ایستاده از چپ 
  

هیچ نظری موجود نیست:

ارسال یک نظر